Iha data 21 Abril 2025, autoridade husi Obras Públikas halo vizita no monitorizasaun ba andamentu servisu iha Projetu Estrada Rural 3+600 nebe lokáliza iha área Manutasi, Munisípiu Ainaro.
Projetu ne’e mak konstrui husi empreza CNCV, SA, no iha momentu ne’e servisu kontinua la’o ho diak tuir planu konstrusaun nebe ona aprova.
Iha vizita refere, Direktor husi empreza CNCV, SA akompaña husi equipe enxeñaria no tekniku sira, hodi fó informasaun kona-ba progresu servisu, inklui nivel realizasaun estrada no atividade konstrusaun seluk.
Autoridade husi Obras Públikas hato’o apresiasaun ba empeñu husi empreza no equipa tekniku sira iha implementasaun projetu ne’e, no enkoraja atu kontinua mantein padraun qualidade servisu, seguransa no prazu nebe ona estabelese.
Projetu Estrada Rural 3+600 ne’e esperadu atu hadi’a aksesibilidade komunidade sira iha area Manutasi no kontribui ba dezenvolvimentu ekonomia lokal iha Munisípiu Ainaro.