Dili, 13 Abril — Dili Institute of Technology (DIT) liuhusi Departamentu Akuntansi ofisialmente hala’o atividade retirada estudante sira ne’ebé remata ona Programa Praktika Estagio (estagio) iha empresa CNCV, S.A. Atividade ida ne’e hala’o ho ordem no laran hakmatek, no partisipa husi dosen responsavel ba retirada no Diretor CNCV, S.A.
Retirada ida ne’e marka remate husi periodu PKL estudante sira Departamentu Akuntansi DIT ne’ebé hala’o ona pratika servisu direta iha ambiente empresa. Durante hala’o estagio, estudante sira envolve iha atividade oioin relasiona ho area akuntansi, hanesan rekordu finansas, arkivu dokumentu, no ajuda prosesu administrasaun empresa nian.
Iha diskursu, Diretor CNCV, S.A hato’o apresiasaun ba dedikasaun no kontribuisaun estudante sira durante hala’o Estagio. Nia hatete katak estudante sira hatudu atitude disiplinadu, responsavel, no iha kapasidade adaptasaun diak iha ambiente servisu. “Ami agradese ba kooperasaun diak ne’ebé hala’o ona. Espera katak esperiensia ida ne’e bele sai hanesan kapital importante ba estudante sira atu hasoru mundu servisu iha futuru,” nia dehan.
Iha parte seluk, dosenate responsavel husi DIT mos hato’o agradese ba parte empresa CNCV, S.A tanba fo oportunidade no orientasaun ba estudante sira. Nia hein katak relasaun diak entre instituisaun edukasaun no industria bele kontinua no hetan dezenvolvimentu iha tempu oin mai.
Atividade retirada taka ho entrega estudante sira husi parte empresa ba parte kampus, no kontinua ho sesaun foto hamutuk hanesan dokumentasaun no hanoin diak ba atividade estagio ida ne’e.
Ho remate programa ida ne’e, espera katak estudante sira Departamentu Akuntansi DIT bele aplika koñesimentu no esperiensia ne’ebé hetan ona durante estagio iha mundu akademiku no profesional, no sai rekursu umanu kualidade iha futuru.
Fontes Dokumentasaun : CNCV, S.A